Anguilla (eiland)

Anguilla

Vlag Wapen
Nasionale leuse: Unity, Strength and Endurance (Engels vir: "Eenheid, krag en uithouvermoë")
Volkslied: God Save the King (Engels vir: "God beskerm die koning") Nasionale volkslied: God Bless Anguilla[1] (Engels vir: "God seën Anguilla")
Hoofstad	The Valley 18°13′N 63°3′W / 18.217°N 63.050°W / 18.217; -63.050
Grootste stad	The Valley
Amptelike tale	Engels
Regering • Monarg • Goewerneur • Adjunkgoewerneur • Uitvoerende Hoof • Verantwoordelike Britse ministera	Parlementêre afhanklikheid onder ’n grondwetlike monargie Charles III Dileeni Daniel-Selvaratnam Perin A. Bradley Ellis Webster James Cleverly
Onafhanklikheid Stigting • Britse oorsese gebied	1980
Oppervlakte  - Totaal    - Water (%)	91 km2  (220ste) 35 myl2 feitlik niks
Bevolking  - 2021-skatting  - 2011-sensus  - Digtheid	15 753[2][3] (215de) 13 452 132 / km2 341,9 / myl2
BBP (KKP)  - Totaal  - Per capita	2014-skatting $311 miljoen[4] $29 493,3
BBP (nominaal)  - Totaal  - Per capita	$307 000 000[5]
Geldeenheid	Oos-Karibiese dollar (XCD)
Tydsone  - Somertyd	(UTC-4) nie toegepas nie (UTC-4)
Internet-TLD	.ai
Skakelkode	+1-264
a. Vir al die Britse oorsese gebiede

Anguilla (Engels: [æŋˈɡwɪlə]) is 'n klein eilandgroep in Noord-Amerika en 'n oorsese gebied van die Verenigde Koninkryk met 'n oppervlakte van 91 km² en 'n bevolking van 14 764 in 2016. Dit bestaan uit die hoofeiland Anguilla en 'n getal kleiner eilande; almal behoort tot die Klein-Antille.

Anguilla is in die noordoostelike Karibiese See op die grens met die Atlantiese Oseaan geleë. Dié eilandgebied grens in die weste aan die Britse Maagde-eilande en in die suide aan Sint Maartin. Die hoofstad en grootste stad is The Valley, wat op die hoofeiland Anguilla geleë is.

Anguilla se naam is van die ou Spaanse woord anguila vir die Palingagtiges afgelei en verwys ná die hoofeiland se vorm. Die presiese datum van 'n Europese vestiging in Anguilla is onbekend. Volgens sommige bronne het Christophorus Columbus dié eilandgroep tydens sy tweede reis vir Europa ontdek, terwyl volgens ander bronne in 1564 die Franse Hugenoot en adellike René Goulaine de Laudonnière as eerste Europeër in Anguilla voet aan wal gesit het. Die Nederlandse Wes-Indiese Kompanjie het in 1631 op die hoofeiland Anguilla 'n fort opgerig, maar nadat dit reeds in 1633 deur Spanjaarde vernietig is, weer van dié eiland onttrek. In 1650 het Engelse vanaf St. Kitts en Nevis op Anguilla gevestig.^[6] Tydens die vroeë koloniale tydperk is Anguilla vanaf Antigua en Barbuda geregeer, maar in 1825 is dit onder administratiewe beheer van die nabygeleë St. Kitts en Nevis geplaas. Tussen 1958 en 1962 het dit saam met ander Britse kolonies in die Karibiese gebied deel uitgemaak van die Wes-Indiese Federasie. In 1967 het die Verenigde Koninkryk volle innerlike outonomie aan St. Kitts en Nevis toegestaan en Anguilla is, ten die wil van die bevolking, by die nuwe verenigde afhanklikheid St. Christopher-Nevis-Anguilla ingelyf. In 1980 kon Anguilla van St. Kitts en Nevis afstig en het 'n separate Britse kroonkolonie geword.^[7] Anguilla word deur die Verenigde Nasies as 'n gebied sonder eie regering beskou.^[8] Anguilla is 'n gesogte vakansieplek en die ekonomie is veral op toerisme en buitelandse bankdienste gebaseer.^[9]

1. ↑ (en) "National Song of Anguilla". Amptelike webwerf van die regering van Anguilla. Geargiveer vanaf die oorspronklike op 4 Junie 2019. Besoek op 21 Mei 2018.
2. ↑ (en) "World Population prospects – Population division". Verenigde Nasies se Departement van Ekonomiese en Maatskaplike Sake, Bevolkingsafdeling. Verenigde Nasies. Geargiveer vanaf die oorspronklike op 19 April 2020. Besoek op 8 Maart 2020.
3. ↑ (en) "Overall total population – World Population Prospects: The 2019 Revision" (xslx). Verenigde Nasies se Departement van Ekonomiese en Maatskaplike Sake, Bevolkingsafdeling (custom data acquired via website). Verenigde Nasies. Geargiveer vanaf die oorspronklike op 18 Februarie 2020. Besoek op 8 Maart 2020.
4. ↑ (en) "UN Data". Geargiveer vanaf die oorspronklike op 30 Desember 2016. Besoek op 7 Januarie 2017.
5. ↑ (en) "UNCTADstat - General Profile: Anguilla". UNCTADstat. Geargiveer vanaf die oorspronklike op 9 Augustus 2021. Besoek op 9 Augustus 2021.
6. ↑ (en) Charles Prestwood Lucas (2009). A Historical Geography of the British Colonies: The West Indies. General Books LLC. p. 143. ISBN 978-1-4590-0868-7.
7. ↑ (en) "Anguilla's History", The Anguilla House of Assembly Elections, Regering van Anguilla, 2007, archived from the original on 13 Augustus 2007, https://web.archive.org/web/20070813051037/http://gov.ai/elections/anguillahistory.htm, besoek op 9 Junie 2015 
8. ↑ (en) "Non-Self-Governing Territories". Algemene Vergadering van die Verenigde Nasies. Geargiveer vanaf die oorspronklike op 13 September 2019. Besoek op 21 Mei 2018.
9. ↑ (en) "Anguilla". CIA World Factbook. Central Intelligence Agency. Geargiveer vanaf die oorspronklike op 7 April 2020. Besoek op 21 Mei 2018.